Matur nuwun wes ndolani blogku. Sopo wae seng mbukak blogku tak anggep
koncoku, konco seng akrab masio gak tau petuk, gak tau kenal, gak tau nyopo.
Mergo wes tak anggep konco akrab, tulisanku, tulisan sing mbok woco iki,
nganggo boso ngoko seng tak gawe omongan karo konco-konco akrabku ben dino.
Paling bosoku no tulisan iki seng alus yo mok kor "matur nuwun" no kawitan
paragraf kui tok, liyane kasar kabeh. Nek gak biasa ngrungokno boso kasar, gak
usah teruso moco tulisan iki. Luweh apik moco tulisan liyo.
Bosone tulisanku karo bosoku seng tak gawe ben dino tak padakno, ben gak
kleru. Biyen koncoku, pas anyar-anyarane no Suroboyo, omongane gak konsisten,
bosone molah maleh mergo nek omongan ora nganggo boso seng digawe ben dino.
Jare koncoku, "aku ngundang arek 5 tapi seng teko cah 3." Kudu tak tangisi
ngrasakno bosone koncoku kui.
Ora kor kui tok, ono neh koncoku seng senengane ngolah ngaleh bosone. Pas kui
bocae tak goncekno, tak tero no stasiun Babat, ape budhal mergawe no Suroboyo
numpak sepur. Budhal ko omah bosone biasa, logate biasa, bareng ape njok
stasiun Babat, omongam karo aku logate maleh logat Suroboyo, kudu trilno
spedahe. Opo cah, urong medon ko spedah bosone kok wes ganti ki.
Pas aku ijek SD, ono bocah sing mergawe no Suroboyo, umure pas kui sekitar
16-an taun. Urong genep setaun olehe mergawe no Suroboyo, muleh, njok omah
omongane maleh Suroboyonan, omong nganggo bosone dewe—boso Kanor—maleh
klagepan, koyo wes lali kabeh karo kosakatane. Aku takok wong no pinggirku,
"Kenek opo bocah kui omongane kok ngono?" Pinggirku njawab, "Dun-dunan ko
Suroboyo omongane terah ngono kui." Hmmm...padahal kaet lair—anggep wae 15
taun—omong nganggo boso Kanor, no Suroboyo urong genep setaun wes lali bosone
dewe.
Tulisanku Iki gak mbahas Soal PTS Bahasa Jawa Kelas 2 Semester 1 malah mbahas
konco-konco seng bosone ngolah-ngaleh. Rodok mlenceng ko judule. Aku biyen
asline yo pengen iso boso Suroboyoan tapi angger ape muni isin kuatir nek
krungu kancaku terus ditulis no blog.
Iki link kanggo ndonlut Soal PTS Bahasa Jawa Kelas 2 Semester 1,
wes lengkap sak konci jawabane.
0 komentar: